Мерапрыемства, якое адбылося 19 чэрвеня  ў аграгарадке Крошын, праходзіла ў рамках кірмаша раместваў і фальклору “Напевы зямлі маёй”. Кавалі з усёй Беларусі сабраліся дзеля таго, каб прадэманстраваць свой талент і майстэрства. Прыняў удзел у святкаванні і аддзел бібліятэчнага маркетынга і рэкламы. Kаб паказаць, што сярод бібліятэкараў і іх чытачоў, таксама есць таленавітыя людзі, была арганізавана выстава “І талент і натхненне”. На ей былі прадстаўлены работы, выкананыя ў самых розных тэхніках дэкаратыўна-прыкладнога мастацтва. Гэта вышыўкі, макрамэ, вырабы з саломкі і бісера, звязанныя на спіцах і кручком.  Цікавыя работы-арыгамі былі прадстаўлены бібліятэкарам Мірской СБ – Моўчан С.Э. Для ўсіх тых, хто зацікавіўся якім чынам была выканана тая ці іншая работа, была падабрана спецыялізаваная літаратура. Асаблівай увагай карысталіся выставы  лялек-абярэгаў, што былі прадстаўлены бібліятэкарам Вольнаўской СБ Яроцкой Т.А.,  і лялек-мотанак, зробленых жыхаркай аграгарадка Крошын Сенютай Н.У. Яна дала і майстар-клас па іх вырабу. Для жадаючых прыняць удзел у інтэлектуальных гульнях, дзейнічаў чытацкі марафон “Талент застыў у метале і слове”. Паколькі мерапрыемства было прысвечана народным рамествам, то і пытанні марафону былі таксама на гэтую тэму. Для самых маленькіх удзельнікаў свята  працавала пляцоўка “Тэрыторыя творчасці”, на якой дзеці маглі праявіць усю сваю фантазію,  малюючы алоўкамі і фламастэрамі, ляпіўшы вырабы з пластыліну. Усе ўдзельнікі мерапрыемстваў атрымалі памятныя прызы і падарункі.

Заг.аддзела бібліятэчнага маркетынга і рэкламы
ДУК “Баранавіцкая раенная цэнтралізаваная бібліятэчная сістэма”
С.У. Ашыбкіна

У фармаце сямейных чытаняў прайшла сустрэча супрацоўнікаў цэнтральнай раённай бібліятэкі з сям’ёй Мазуркевічаў з вёскі Сталовічы Баранавіцкага раёна.

Імя Яна Чачота, расповед пра яго жыццё слухалі ўважліва і з цікавасцю. Песні на словы паэта пад акампанемент баяна гучалі весела і святочна. Загадкі з фальклорных запісаў Яна Чачота адгадвалі ўсёй сям’ёй, а ў якасці прыза атрымалі тое, што адгадалі: ключ, свечку, венік, лыжку…

Арганізавалі і кніжную выставу-прысвячэнне, дзе былі назва, партрэт паэта, кнігі, а таксам… загадка. На выставе: выява двух азёр, паноў, закаханых юнака і дзяўчыны, шчупака. Што іх аб’ядноўвае?

Адказ шукалі ўсе прысутныя, чытаючы вершаваныя ўрыўкі з паштовак, якія кожны на чарзе браў з чароўнага куфэрка. Затым усе падыходзілі і размяшчалі паштоўкі на выставе адваротным бокам, дзе ўпісана літара. Калі дасталі з куфэрка ўсе паштоўкі – убачылі назву твора Яна Чачота і зразумелі, што прачыталі і пачулі баладу “Калдычэўскі шчупак” пра мясціны-наваколлі Сталовіч.

У вёсцы Крошын Баранавіцкага раёна цэнтральная раённая бібліятэка правяла сямейныя чытанні. Дзе гасцінна сустрэлі бібліятэкараў выхаванцы прыёмнай сям’і Зянкевіч Галіны Канстанцінаўны: Гансецкая Алена (11 кл.), Канкова Валерыя (10 кл.), Гонза Віктар (9 кл.), Варанько Валянціна (8 кл.), Вялічэнкоў Максім (8 кл.), Вялічэнкова Дзіана (7 кл.), Краўчанка Надзея (3 гады).

Дзеці дружна адгадвалі загадкі з фальклорнай спадчыны Яна Чачота, слухалі песні на словы паэта, глядзелі “тэатр на стале”, чыталі баладу “Мышанка”. Размова доўжылася непрыкметна; кожны выказваўся пра матулю, кнігу, дом, сям’ю, поспехі ў вучобе, вольны час, хатнія справы, пра будучыню.

За цёплую сустрэчу, за выхаванне любові да кнігі, за павагу да бібліятэкі шчырае дзякуй, Галіна Канстанцінаўна!