24 снежня ў творчай гасцёўні Навамышскага ліцэя сельскагаспадарчай вытворчасці сустрэчу прысвяцілі паэтычнаму генію Адама Міцкевіча. Перад прэм’ерным паказам спектакля “Свіцязь” прысутным была прадэманстравана кніжная выстава “Адамаў шлях пад вечным небам”, арганізаваная супрацоўнікамі цэнтральнай раённай бібліятэкі і загадчык аддзела абслугоўвання і інфармацыі Ірына Томарава распавядала пра жыццёвы і творчы шлях паэта, пра Берасцейскія мясціны, асвечаныя імем Адама Міцкевіча.

29 снежня цэнтральную раённую бібліятэку наведалі вучні СШ пасёлка Мір Баранавіцкага раёна для краязнаўчай сустрэчы з жыхаркай вёскі Новая Мыш Турцэвіч Вацлавай Адамаўнай.
“Я самотна жыць не ўмею” – жыццёвы дэвіз старажыла, актыўнай удзельніцы мастацкай самадзейнасці, спявачкі касцёльнага хора, збіральніцы мясцовага фальклору і самабытнай паэткі з Новай Мышы.
Многа і цікава яна распавядала пра падзеі і людзей шматгадовай даўніны, чытала вершы, адказвала на пытанні, успамінала…