Мы памятаем!
Дзень памяці “Памятныя месцы ахвяр Халакоста Брэстчыны” адбыўся ў Гарадзішчанскай гарпасялковай бібліятэцы. З боллю ў сэрцы ўспрынялі вучні 7 класа Гарадзішчанскай СШ імя М.А.Скіпара звесткі аб трагедыі яўрэйскага народа на тэрыторыі Брэсцкай вобласці. У кожным раёне было створана ад 2 да 6 гета, у кожным з іх загінула ад 500 да 22 000 яўрэеў. Злачынствы нацыстаў не маюць тэрміну даўнасці, ім няма ні забыцця, ні прабачэння. На месцах гібелі ахвяр Халакосту пастаўлены помнікі і абеліскі, да іх прыходзяць людзі, ускладаюць кветкі і хвілінай маўчання ўшаноўваюць памяць загінуўшых. Брэстчына памятае! Мы памятаем!