КОЖНАЯ ПЯТНІЦА — РОДНАЕ, СВАЁ!
Міністэрства антыманапольнага рэгулявання і гандлю Рэспублікі Беларусь запусціла праект — «Кожная пятніца — роднае, сваё!»
Праект накіраваны на падтрымку нацыянальных каштоўнасцей і вытворцаў і прапануе:
– Гаварыць па-беларуску
– Апранаць беларускае адзенне
– Купляць беларускія тавары
– Слухаць беларускую музыку
– Дзяліцца сваімі адкрыццямі з хэштэгам #ДзеньРоднагаСвайго
ДУК «Баранавіцкая РЦБС» з радасцю далучаецца да праекта! На базе Цэнтральнай раённай бібліятэкі ім. Яна Чачота ў 2026 годзе стартуе акцыя «Дзень пісьменніка». Сутнасць яе заключаецца ў тым, што кожны месяц адна з пятніц будзе прысвечана жыццю, творчасці і культурнай спадчыне пэўнага беларускага аўтара.
Няхай кожная пятніца стане днём, калі мы адзначаем нашу культуру і мову!






