26 красавіка адзначалася трагічная дата ў жыцці ўсяго чалавецтва – Дзень памяці ахвяр аварыі на Чарнобыльскай АЭС
26 красавіка адзначалася трагічная дата ў жыцці ўсяго чалавецтва – Дзень памяці ахвяр аварыі на Чарнобыльскай АЭС. Дата, пра якую трэба ведаць, пра якую трэба памятаць.
У Гарадзішчанскай гарпасялковай бібліятэцы для юных чытачоў на пасяджэнні аматарскага аб’яднання “Чамучкі” праведзена відэагадзіна трывогі “Чорны боль Белай Русі”. Рабяты ўважліва глядзелі відэаролікі, мультымедыйую прэзентацыю і слухалі аповед бібліятэкара пра пачатак аварыі, пра мужнасць ліквідатараў, пра наступствы аварыі. Да мерапрыемства была аформлена кніжная выстава “Чарнобыль: трагедыя, подзвіг, боль, памяць”.
Стайкаўская сельская бібліятэка запрасіла чытачоў на інфармацыйную гадзіну “Экалагічны набат усё гучней і бліжэй”. Размова ішла не толькі пра Чарнобыльскую катастрофу, але і пра небяспечнае экалагічнае становішча ў свеце наогул.
“Чарнобыль у памяці і ў кнігах” – так называлася кніжная выстава-папярэджанне, аформленая ў Вольнаўскай сельскай бібліятэцы. Тут былі прадстаўлены дакументальныя матэрыялы і мастацкія творы, успаміны ўдзельнікаў ліквідацыі аварыі, фотаздымкі і дзіцячы малюнак “Захаваем нашу Зямлю!”.