Члены аматарскага аб`яднання “Родныя вытокі” ажыццявілі падарожжа ў мінулае “Гісторыя маёй школы”.

Школьны альбом … як прыемна адкрыць, пагартаць, ўспомніць і акунуцца ў атмасферу мінулых падзей. Як прыемна акунуцца ва ўспаміны, расказаць і паказаць, а можа і даведацца нешта новае пра эпізоды школьнага жыцця. Але члены аматарскага аб’яднання на чарговым пасяджэнні трохі прыадчынілі заслону гісторыі, прачытаўшы і паглядзеўшы некалькі альбомаў з фотаздымкамі школьнага жыцця.

Гісторыя нашай школы пачалася ў далёкім 1989 годзе. Першы дырэктар, настаўнікі, а потым і вучні запоўнілі яе калідоры і класы. Празвінеў першы званок! Дзеці з цікавасцю разглядалі фатаграфіі, пазнаючы сваіх настаўнікаў, а для некаторых было вялікім сюрпрызам ўбачыць сваіх бацькоў у ролі вучняў школы.

Гадзіна знаёмства: “У гасцях у птушак”

Юныя чытачы Перхавіцкай СБ ў гульнёвай форме даведаліся шмат цікавага аб птушках, што зімуюць у нашай мясцовасці, самастойна распрацавалі меню для птушынай сталовай, даведаліся чым можна карміць птушак зімой.

Чытачы Перхавіцкай СБ прынялі ўдзел у экалагічнай акцыі “Цяжка птушкам зімаваць – трэба птушкам дапамагаць” у рамках праекта “Мост Дружбы”. Зімовы час – гэта не толькі вясёлыя святы, катанне з горак, гульня ў снежкі, будаўніцтва снежных крэпасцяў і палацаў, але і моцныя маразы з пранізлівым ветрам. Бо менавіта ўзімку, калі птушкам няма чаго есці, а холад і снегапады не спяшаюцца адступаць, ім даводзіцца асабліва цяжка. Вось тут мы і павінны паспяшацца на дапамогу крылатым сябрам.

У рамках акцыі быў аб’яўлены конкурс на самую арыгінальную кармушку для птушак. Дзеці з задавальненнем клапоцяцца аб сваіх сябрах, падсыпаюць корм у кармушкі, дапамагаюць птушкам у зімовы час перажыць голад і холад!