“Сустрэнемся каля помніка”

У самым прыгожым  месцы вёскі Новая Мыш – парку,  побач  з  Праабражэнскім  касцёлам  і  царквой, дзе ўсталяваны помнік Яну Чачоту, сустракалі  супрацоўнікі Баранавіцкай цэнтральнай раённай бібліятэкі ўдзельнікаў падарожжа “Дарога да святыняў”. Падарожнікі – вучні 5-11 класаў Жамчужненскай СШ з настаўнікамі.

Пасля наведвання Навамышскай Праабражэнскай царквы вучняў чакала сустрэча з кнігай. Можна было даведацца аб гісторыі беларускай кнігі,  пагартаць факсімільнае выданне “Слуцкага Евангелля” — рукапіснага помніка славянскай пісьменнасці XVI стагоддзя, разгледзець на старонках “Кніжнай спадчыны Беларусі”  выявы найбольш значных кніжных помнікаў Беларусі, якія сёння зберагаюцца ў фондах галоўнай бібліятэкі краіны – Нацыянальнай бібліятэкі Беларусі.

Ішла размова пра першую кнігу “залатой бібліятэкі” Беларусі, унікальнага шматтомнага выдання ўсяго лепшага, усяго самага важнага, што было створана на беларускай зямлі з пачатку пісьменства і да нашых дзён. Гэта – “Выбраныя творы” Яна Чачота, сімвала мясцовай культуры.  Прыгадалі яго імя, лёс, творчасць; усе разам чыталі баладу “Мышанка”, адгадвалі загадкі.

Уудзельнікам акцыі прапанавалі “кніжны фрымаркет”.

Томарава І.П., загадчык

 аддзела абслугоўвання і інфармацыі Баранавіцкай ЦРБ

Печать