Выстава-віктарына-гульня “Правы свае ведай, абавязкі не забывай”
Да Сусветнага дня правоў чалавека ў Гарадзішчанскай гарпасялковай бібліятэцы прайшла выстава-віктарына-гульня “Правы свае ведай, абавязкі не забывай”. На мерапрыемства былі запрошаны вучні 8 “А” класа Гарадзішчанскай СШ ім. М.А.Скіпара. Навучэнцы пазнаёміліся з такімі паняццямі, як “прававая адказнасць”, “правіннасць”, “правапарушэнне”, “злачынства” і, адпаведна, з тымі юрыдычнымі дакументамі, якія вызначаюць адміністрацыйную або крымінальную адказнасць за парушэнне заканадаўства. Яны з веданнем справы адказвалі юрыдычнымі тэрмінамі на пытанні віктарыны, удзельнічалі ў конкурсах, гульнях і сітуацыйных задачах.