Архив новостей
У Падгорнаўскай СБ праходзіла акцыя “Гаворым па-беларуску”
З 18 па 20 лютага ў Падгорнаўскай СБ праходзіла акцыя “Гаворым па-беларуску”. Кожнаму наведвальніку бібліятэкі было прапанавана выбраць канверт з пытаннем на веданне беларускай мовы і даўшы правільны адказ, атрымаць у падарунак кніжную закладку.
Для маленькіх чытачоў была падрыхтавана моўная гадзіна “Прыгажосць беларускага слова”, падчас якой у гульнёвай форме дзеці выконвалі розныя заданні і практыкаванні.
Асаблівую цікавасць у дарослых і дзяцей выклікала стварэнне бібліятэчнага квілта “Маё любімае слова на роднай мове”.
У бібліятэцы была аформлена кніжная паліца “Мова родная – мова модная”, дзе быў прадстаўлены шырокі асартымент даведачнай літаратуры з фонду бібліятэкі.
