Архив новостей
У Маласваротаўскай бібліятэцы-музеі арганізавана выстава-дыялог «Гучы мая родная мова»
21 лютага ва ўсім свеце адзначаецца Міжнародны дзень роднай мовы. Кожны чалавек павінен разумець, што мова – душа народа, яго памяць, яго культура. З гэтай нагоды ў Маласваротаўскай бібліятэцы-музеі арганізавана выстава-дыялог «Гучы мая родная мова». Наведвальнікі маюць магчымасць пазнаёміцца з беларускамоўнымі кніжнымі выданнямі, прадстаўленымі на выставе.
З дзецьмі малодшага школьнага ўзросту праведзеныя гучныя чытанні «Чытаем па-беларуску». Мэта мерапрыемства – садзейнічанне выхаванню любові і павагі да роднай мовы, да сваёй Бацькаўшчыны. Рабяты з задавальненнем чыталі вершы Янкі Купалы, Якуба Коласа, Эдзі Агняцвет ,Міхася Пазнякова, успаміналі беларускія прыказкі і прымаўкі.
