Тэатралізаванае прадстаўленне “Масленка”
Тэатралізаванае прадстаўленне “Масленка”
(Падгорнаўская СБ сумесна з Падгорнаўскім СК)
Мерапрыемства праходзіла каля летняй танцпляцоўкі Падгорнаўскага СК, было прысвечана адыходу зімы і гуканню вясны.
Па традыцыі свята пачалі Скамарохі, потым вядучыя расказалі гіторыю святкавання Масленіцы і напомнілі ўсім як называўся кожны дзень масленічнай нядзелі. Затым з’явілася Зіма і саступіла сваё месца Вясне. Вясна-красна адарыла ўсіх зернем, а дзяўчат прыгожымі вяночкамі. Усе разам пайшлі завязваць каляровыя стужачкі на дрэва (каб хучэй прыляцелі птушачкі) і вадзіць карагод з песнямі-вяснянкамі. Пасля чаго было спалена чучала Масленіцы.
Мерапрыемства закончылася вясёлымі песнямі, танцамі і веснавымі гульнямі. Усе, хто прыйшоў на свята, атрымалі выпечаных з цеста жавароначкаў.
