Архив новостей
Рэспект-сустрэча “Восень жыцця – гэта не старасць душы” у Гарадзішчанскай гарпасялковай бібліятэцы
Рэспект-сустрэча “Восень жыцця – гэта не старасць душы”, да чытачоў элегантнага ўзросту прайшла сёння ў Гарадзішчанскай гарпасялковай бібліятэцы.Гэта асаблівае свята, у якім закладзена павага, шанаванне і падзяка старэйшаму пакаленню. За плячыма гэтых людзей вялікае жыццё, мудрасць і найбагаты досвед. Менавіта яны з’яўляюцца апорай і падтрымкай для маладога пакалення, вернымі памагатымі для дзяцей і ўнукаў. Супрацоўнікі бібліятэкі павіншавалі прысутных са святам, правялі гутарку аб тым, як прадоўжыць восень жыцця, каб яно было цёплым і ўтульным. Для гэтага парэкамендавалі выкарыстоўваць літаратуру, прадстаўленую на кніжнай выставе. Святочнае мерапрыемства прайшло ў прыемнай атмасферы за кубкам гарбаты.
