Міжнародны дзень пажылых людзей адзначылі ў М. Сваротаўскай б/музеі
1 кастрычніка адзначаецца як Міжнародны дзень пажылых людзей. Гэта свята дабра і павагі, сімвал адзінства і пераемнасці пакаленняў, сувязі часоў. Вельмі прыемна і правільна, што ў календары ёсць такі дзень, калі мы можам выказаць словы падзякі тым хто нас выгадаваў, даў пуцёўку ў жыццё, хто і сёння падтрымлівае мудрымі парадамі.
З мэтай павіншаваць са святам і сказаць словы ўдзячнасці ў гэты дзень загадчык М.Сваротаўскай б/музея наведала Палулех Анастасію Анісімаўну (дзіця вайны), якой давялося перажыць і голад і холад і ў годы вайны, і ў пасляваенны час, але і сёння яна дзеліцца з намі сваёю мудрасцю, сваім жыццёвым вопытам, сваімі ўспамінамі.