Маласваротаўскую бібліятэку наведалі навучэнцы 1-4 класаў
26 красавіка Маласваротаўскую бібліятэку наведалі навучэнцы 1-4 класаў ДУА «Пачапаўская СШ». Бібліятэкар правяла экскурсію па музейным залам, створаным пры бібліятэцы. У зале, прысвечанай Вялікай Айчыннай вайне, дзеці мелі магчымасць пазнаёміцца з экспанатамі і дакументамі ваенных гадоў, якія беражліва захоўваюцца ў музеі.Таксама дзеці з цікавасцю слухалі пра ваеннае мінулае нашай мясцовасці, воінах- земляках, якія змагаліся на франтах вайны і ў партызанскіх атрадах. А ў зале, якая прысвечана Б. Б. Вільчкоўскаму, даведаліся пра жыццё і дзейнасць нашага славутага земляка , былога старшыні калгаса, дэпутата Вярхоўнага Савета БССР, Героя Сацыялістычнай працы. У «сялянскай хатцы» пазнаёміліся з культурай і бытам канца 19 пачатку 20 стагоддзяў.
