Літаратурная гадзіна, у Гарадзішчанскай бібліятэцы, “Віні-Пух ідзе да нас у госці”, да 140-годдзя з дня нараджэння Алана Мілна
Літаратурная гадзіна “Віні-Пух ідзе да нас у госці”, да 140-годдзя з дня нараджэння Алана Мілна, адбылася на тыдні дзіцячай кнігі ў Гарадзішчанскай бібліятэцы. Дзеці пазнаёміліся з біяграфіяй пісьменніка, даведаліся, як Мілн прыдумаў свае казачныя персанажы. Бібліятэкар зачытала ўрыўкі з кніг Алана Мілна , а вясёлая віктарына “Хто ходзіць у госці зранку” дапамагла разабрацца ў няпростых жыццёвых сітуацыях жыхароў казачнага лесу. Яшчэ удзельнікі літаратурнай гадзіны дапамаглі знайсці хвост Осліка Іа і паўдзельнічалі ў іншых конкурсах.