Краязнаўчы экскурс “Слаўны сын сваёй Радзімы” у Маласваротаўскай бібліятэцы
17 сакавіка ў Маласваротаўскай бібліятэцы адбыўся краязнаўчы экскурс “Слаўны сын сваёй Радзімы”, прысвечаны 98-годдзю з дня нараджэння Б. Б. Вільчкоўскага. Мэта мерапрыемства — ушанаваць памяць гэтага выдатнага чалавека, былога старшыні калгаса, дэпутата Вярхоўнага Савета БССР, Героя Сацыялістычнай працы, які на працягу ўсяго жыцця служыў людзям, любіў сваю зямлю і быў сапраўдным патрыётам сваёй Радзімы.
Падчас экскурсіі бібліятэкар пазнаёміла ўдзельнікаў з біяграфіяй Б. Б. Вільчкоўскага і яго працоўнай дзейнасцю, падкрэсліваючы значэнне яго ўкладу ў развіццё рэгіёна. У рамках мерапрыемства быў паказаны дакументальны фільм “Пуля для председателя”, які дазволіў глыбей зразумець жыццёвы шлях героя.
На завяршэнне экскурсіі ўдзельнікі ўсклалі кветкі да помніка Б. Б. Вільчкоўскага, аддаючы даніну павагі яго памяці. Веданне мінулага свайго краю вучыць дзяцей паважаць і шанаваць гісторыю сваёй малой радзімы, таму такія мерапрыемствы надзвычай важныя для нашай супольнасці.
Запрашаем усіх далучацца да наступных мерапрыемстваў, каб разам паглыбляцца ў гісторыю і культуру нашай Радзімы!
