Конкурс вершаў “Мая мова – мой народ”

Напярэдадні  Міжнароднага дня роднай мовы, які штогод ва ўсім свеце адзначаецца 21 лютага, у Палонкаўскай сельскай бібліятэцы адбыўся конкурс вершаў “Мая мова – мой народ”, прысвечаны гэтаму святу. У мерапрыемстве прынялі ўдзел чытачы-карыстальнiкi малодшага школьнага ўзросту. Менавіта з маленства прывiваецца любоў да роднага краю, роднай мовы,  роднага слова. Дзецьмі былі прачытаны на беларускай мове вершы Максіма Танка і Ніла Гілевіча “Родная мова”, верш Аркадзя Куляшова “Родныя словы”. Любоў да роднай мовы, якая праходзіць праз усё наша жыццё, сцвярджае любоў да роднага краю, да нашай любай Радзімы. Напрыканцы мерапрыемства дзеці ўзялі для чытання кнігі на беларускай мове.