Гарадзішчанская ГпБ сустракала гасцей з ДУК “Навагрудская раённая бібліятэка” з мэтай абмену вопытам
Гарадзішчанская ГпБ сёння сустракала гасцей! Нас з сяброўскім візітам наведалі калегі з ДУК “Навагрудская раённая бібліятэка” з мэтай абмену вопытам. Мы пагутарылі з вельмі цікавымі і крэатыўнымі людзьмі. Госці не толькі пазнаёміліся з нашай бібліятэкай, але і адправіліся у цікавае падарожжа па нашым краі. Мароз Зінаіда Сяргееўна праз гісторыка-патрыятычны лекторый пазнаёміла гасцей бібліятэкі з музеем генацыду у вёсцы Арабаўшчына і Калдычэскім лагерам смерці і месцах пахаванняў вязняў. Затым мы разам з нашымі калегамі наведалі музей-сядзібу Адама Міцкевіча ў Завоссі.
Сустрэча прайшла ў вельмі цёплай, сяброўскай абстаноўцы і атрымалася ўзаемна карыснай. Такія нефармальныя сустрэчы з калегамі заўсёды цікавыя і пазнавальныя. Прыемна што ім цікавы наш вопыт і нам ёсць чаму адзін у аднаго павучыцца.
