Гадзіна роднай мовы «Ад зерня – колас, ад слова – мова»
Гадзіна роднай мовы «Ад зерня – колас, ад слова – мова» да Міжнароднага дня роднай мовы адбылася ў Гарадзішчанскай ГпБ. Падчас мерапрыемства ў бібліятэцы прайшла акцыя «Якая наша мова…». Чытачы пісалі на стыкерах у форме сэрца словы і прыклейвалі на карту Беларусі. У канцы дня ўся карта Беларусі была ў сэрцах, на якіх напісаны словы аб роднай мове, такія, як: прыгожая і мілагучная, адметная, сакавітая, дзіўная, найлепшая, непаўторная і шмат іншых. У бібліятэцы была створана кніжная выстава «Калі вам да спадобы беларуская мова». Акрамя гэтага ў бібліятэцы прайшлі займальныя гульні і конкурсы на веданне беларускіх прыказак, страў і цікавых слоў «Перакладчык», «Прадоўжы прыказку», «Беларускія стравы» і інш.
Любіце, шануйце, паважайце родную мову, размаўляйце на ёй часцей!
