Акцыя «Чырвоная стужка»
1 снежня у Гарадзішчанскай гарпасялковай бібліятэцы прайшла акцыя «Чырвоная стужка», прымеркаваная да Сусветнага Дня барацьбы са СНІДам. У акцыі прынялі ўдзел навучэнцы старэйшых класаў мясцовай школы. У бібліятэцы была аформлена кніжная выстаўка “Разам супраць СНІДу!”. Увазе чытачоў прадстаўлена літаратура па гісторыі захворвання, аб шляхах перадачы віруса, сіндромах і групах рызыкі, лячэнні і прафілактыцы ВІЧ-інфекцыі. Дапаўнялі выставу брашуры, памяткі і буклеты па прафілактыцы СНІДу. Дадзенай акцыяй бібліятэка старалася данесці да чытачоў думку аб тым, што праблема ВІЧ датычыцца кожнага чалавека.