3 Навамышскія чытанні
Навукова-краязнаўчыя чытанні, прысвечаныя жыццю і творчасці Адама Міцкевіча, прайшлі 22 ліпеня на базе Цэнтральнай раённай бібліятэцы імя Яна Чачота. Чытанні адбыліся ў 3 раз. Традыцыя іх правядзення зарадзілася ў 2021 годзе, калі ўсе прыхільнікі беларускай літаратуры і ўвогуле культуры адзначалі 225 год з дня нараджэння Яна Чачота. Другія чытанні прайшлі праз год і былі прысвечаны юбілею адразу двух волатаў беларускай пісьменнасці – Янк і Купалы і Якуба Коласа.
На гэты раз чытанні былі прымеркаваны да 225-годдзя са дня нараджэння А. Міцкевіча (юбілейная дата адзначаецца ў снежні).
У чытаннях прынялі ўдзел супрацоўнікі дома-музея А. Міцкевіча (г. Навагрудак) і музея-сядзібы Міцкевічаў “Завоссе”, ДУК “Баранавіцкая РЦБС” і госці з Мінска. Таксама выступілі дзеці-чытачы раёна з аўтарскімі творамі, прысвечанымі творчасці А. Міцкевіча.
– Зміцер Юркевіч – калумніст газеты «Культура» з дакладам «Радавод Адама Міцкевіча. Неразгаданныя таямніцы»;
– Гендзік Ганна Васільеўна – навуковы супрацоўнік Дома-музея Адама Міцкевіча у Навагрудку з дакладам «Паэма «Конрад Валянрод». 195-годдзе з часу выдання»;
– Алена Прохарава з дакладам «Песні філаматаў і філарэтаў». Дарэчы, Алена паказала цудоўны майстар-клас па танцах часоў Адама Міцкевіча.
Акрамя запрошаных гасцей са сваім дакладам на тэму «Ушанаванне літаратурнай спадчыны Адама Міцкевіча Баранавіцкай цэнтральнай раённай бібліятэкай імя Яна Чачота» выступіла дырэктар раённай бібліятэчнай сістэмы Таццяна Лайша.
Госці ІІІ Навамышскіх навукова-краязнаўчых чытанняў прывезлі дадому не толькі добры настрой, але і падораныя кубкі з лагатыпам мерапрыемства і ўласнае выданне паэмы Міцкевіча «Дзяды». Напрыканцы сустрэчы госці і прысутныя наведалі музей-сядзібу «Завоссе».
