“Ад зерня да каравая”
Падгорнаўская сельская бібліятэка сумесна с Падгорнаўскім сельскім клубам арганізавалі для дзяцей прышкольнага лагера “Падгарняначка” пазнавальна-гульнявую праграму “Ад зерня да каравая”. Першая частка мерапрыемства прайшла ў сельскім клубе. Дзеці даведаліся аб тым, які шлях робіць хлеб, каб трапіць на наш стол, пазнаеміліся з абрадамі і павер’ямі, якія звязаны з хлебам. Каб замацаваць і праверыць свае веды ўдзельнікі мерапрыемства падзяліліся на каманды “Колас” і “Каравай”. Яны адгадвалі загадкі, складалі прыказкі і прымаўкі пра хлеб,па парадку называлі этапы працэсу вырошчвання хлеба. Таксама прынялі ўдзел у рухомых гульнях “Жыта”, “Млын”, “Проса” і “Каравай”. Перамагла каманда “Колас”. Другая частка мерапрыемства прайшла ў бібліятэцы, дзе маленькія чытачы пазнаеміліся з кніжнай выставай “Яго Вялікасць Хлеб”. Далей дзеці слухалі беларускую народную казку “Воўк-гультай” і верш Максіма Танка “Хлеб”, потым адказвалі на пытанні. Напрыканцы мерапрыемства ўсе частаваліся смачнымі булкамі.
