Маласваротаўская сельская бібліятэка

Любоў да роднай краіны, яе гісторыі і традыцый закладваецца яшчэ ў дзяцінстве і суправаджае чалавека на працягу ўсяго яго жыцця. І менавіта з мэтай патрыятычнага выхавання і падтрымкі цікавасці да мінулага сваёй малой радзімы прапануем наведаць Маласваротаўскую сельскую бібліятэку, на базе якой дзейнiчаюць тры экспазіцыі: “Сялянская хатка”, “Родная зямля ў часы Вялікай Айчыннай вайны” і “Багуслаў Вільчкоўскі: жыццё, адданае Радзіме”.

Вы зможаце перанесціся ў сялянскую хату мінулага, патрымаць у руках прылады працы і прадметы штодзеннага побыту нашых продкаў.

Наведаўшы залу Вялікай Айчыннай вайны, вы ў чарговы раз пераканаецеся ў тым, наколькі мужных і моцных духам сыноў узрасціла беларуская зямля.

З жыццем Героя Сацыялістычнай Працы, дэпутата Вярхоўнага Савета БССР і старшыні калгаса “Іскра” вы пазнаёміцеся ў зале “Багуслаў Вільчкоўскі: жыццё, адданае Радзіме”.

Адрас: в. Малая Сваротва, вул. Вiльчкоўскага 2 б з 10.00-14.00 і 15.00-19.00 (акрамя панядзелка i аўторка).

Тэлефоны:

8 (0163) 64-25-65
8 (0163) 43-65-71 (Маласваротаўская сельская бібліятэка)