У фармаце сямейных чытаняў прайшла сустрэча супрацоўнікаў цэнтральнай раённай бібліятэкі з сям’ёй Мазуркевічаў з вёскі Сталовічы Баранавіцкага раёна.

Імя Яна Чачота, расповед пра яго жыццё слухалі ўважліва і з цікавасцю. Песні на словы паэта пад акампанемент баяна гучалі весела і святочна. Загадкі з фальклорных запісаў Яна Чачота адгадвалі ўсёй сям’ёй, а ў якасці прыза атрымалі тое, што адгадалі: ключ, свечку, венік, лыжку…

Арганізавалі і кніжную выставу-прысвячэнне, дзе былі назва, партрэт паэта, кнігі, а таксам… загадка. На выставе: выява двух азёр, паноў, закаханых юнака і дзяўчыны, шчупака. Што іх аб’ядноўвае?

Адказ шукалі ўсе прысутныя, чытаючы вершаваныя ўрыўкі з паштовак, якія кожны на чарзе браў з чароўнага куфэрка. Затым усе падыходзілі і размяшчалі паштоўкі на выставе адваротным бокам, дзе ўпісана літара. Калі дасталі з куфэрка ўсе паштоўкі – убачылі назву твора Яна Чачота і зразумелі, што прачыталі і пачулі баладу “Калдычэўскі шчупак” пра мясціны-наваколлі Сталовіч.

У вёсцы Крошын Баранавіцкага раёна цэнтральная раённая бібліятэка правяла сямейныя чытанні. Дзе гасцінна сустрэлі бібліятэкараў выхаванцы прыёмнай сям’і Зянкевіч Галіны Канстанцінаўны: Гансецкая Алена (11 кл.), Канкова Валерыя (10 кл.), Гонза Віктар (9 кл.), Варанько Валянціна (8 кл.), Вялічэнкоў Максім (8 кл.), Вялічэнкова Дзіана (7 кл.), Краўчанка Надзея (3 гады).

Дзеці дружна адгадвалі загадкі з фальклорнай спадчыны Яна Чачота, слухалі песні на словы паэта, глядзелі “тэатр на стале”, чыталі баладу “Мышанка”. Размова доўжылася непрыкметна; кожны выказваўся пра матулю, кнігу, дом, сям’ю, поспехі ў вучобе, вольны час, хатнія справы, пра будучыню.

За цёплую сустрэчу, за выхаванне любові да кнігі, за павагу да бібліятэкі шчырае дзякуй, Галіна Канстанцінаўна!

У Новай Мышы прайшлі новыя сямейныя чытанні, прысвечаныя 220-годдзю са дня нараджэння славутага земляка Яна Чачота. У цэнтральную раённую бібліятэку завіталі будучыя чытачы – наведвальнікі мясцовага дзіцачага саду разам с бацькамі, бабулямі і дзядулямі.

Для сямейных чытанняў абрана кніга “Выбраныя творы” Яна Чачота. Гучалі вершы паэта і песні на яго словы, прыказкі і прымаўкі, калыханка і загадкі з фальклорных запісаў Яна Чачота.

Маленькія госці бібліятэкі пачулі баладу “Мышанка”, на стварэнне якой фалькларыста і паэта Чачота натхніла рамантычная легенда пра паходжанне назвы Новая Мыш. Суправаджаў чытанне балады “тэатр на стале”.

На  мерапрыемстве адбылася прэзентацыя выставы творчых работ вучаніцы Жамчужненскай СШ Ганны-Марыі Пячко “Паданняў маёй радзімы чароўны свет”. Цуда-Юда, русалкі і дамавік з дамавіхай, змяіны цар, кікімара, талака, Жар-птушка і папараць-кветка, і, зразумела, Мышанка, чыім імем названа паселішча – усе гэтыя міфічныя істоты на выставе такія, якімі іх уяўляе дзяўчынка, якая многа чытае.