У рамках тыдня дзіцячай і юнацкай кнігі ў нас прайшоў літаратурны эцюд “Казкі дзядулі Карнея”, да 140-годдзя з дня нараджэння Карнея Чукоўскага. У пачатку мерапрыемства бібліятэкар пазнаёміла хлопчыкаў і дзяўчынак з біяграфіяй выдатнага дзіцячага пісьменніка Карнея Іванавіча Чукоўскага. Дзеці даведаліся шмат цікавых эпізодаў з яго жыцця, аб тым, як былі напісаны некаторыя казкі. Дзеці ахвотна ўдзельнічалі ў інтэрактыўнай віктарыне, падчас якой, па прапанаваных эпізодах з казкі адгадвалі, якому герою належыць рэч і якія радкі падыходзяць дадзеным героям, у раздзелах віктарыны «Даскажы слоўца» і «Чый прадмет?». Потым дзецям зачытвалі ўрыўкі твораў, задавалі пытанні пра герояў кніг і загадвалі загадкі. Дзеці актыўна адказвалі на пытанні, дэманструючы веды твораў Карнея Чукоўскага.

Літаратурная гадзіна “Віні-Пух ідзе да нас у госці”, да 140-годдзя з дня нараджэння Алана Мілна, адбылася на тыдні дзіцячай кнігі ў Гарадзішчанскай бібліятэцы. Дзеці пазнаёміліся з біяграфіяй пісьменніка, даведаліся, як Мілн прыдумаў свае казачныя персанажы. Бібліятэкар зачытала ўрыўкі з кніг Алана Мілна , а вясёлая віктарына “Хто ходзіць у госці зранку” дапамагла разабрацца ў няпростых жыццёвых сітуацыях жыхароў казачнага лесу. Яшчэ удзельнікі літаратурнай гадзіны дапамаглі знайсці хвост Осліка Іа і паўдзельнічалі ў іншых конкурсах.