Выстава-напамін «Халакост: памятаць і ніколі не забываць»
У Гарадзішчанскай гарпасялковай бібліятэцы пачала работу выстава-напамін «Халакост: памятаць і ніколі не забываць», да Сусветнага дня ахвяр Халакоста, на якой прадстаўлены кнігі аб вялікай трагедыі ў гісторыі Вялікай Айчыннай вайны – масавай гібелі мірнага насельніцтва ў лагерах смерці. Выданні праілюстраваны гістарычнымі і сучаснымі фатаграфіямі, фотакопіямі архіўных дакументаў. Кнігі прызначаны для ўсіх, хто цікавіцца гісторыяй Беларусі. Гэта важная для Еўропы ХХ стагоддзя тэма, якая з’явілася з неабходнасці асэнсаваць гэты нечалавечы досвед і зразумець, як зрабіць так, каб падзеі тых гадоў ніколі не паўтарыліся. Выстава-напамін дае магчымасць дакрануцца да трагічных старонак гісторыі, ушанаваць памяць бязвінна загінуўшых і захапіцца мужнасцю тых, хто выстаяў.
