«Велікодны цуд»
Пры канцы веліконнага тыдня ў Гарадзішчанскай бібліятэцы адбылося свята «Велікодны цуд». Чытачы зайшлі ў госці да гаспадароў Антося і Зосі. Там яны даведаліся пра свята Вялікадня, аб яго праваслаўных традыцыях, а таксма падзяліліся сваімі сакрэтамі святкавання, рэцэптамі прыгатавання кулічоў, афарбоўкі яек. Затым гасцей прыйшлі павіншаваць валачобнікі з Дома культуры. Праводзіліся гульні, конкурсы, віктарыны.
У заключэнні адбылося чаяванне з пасхай, кулічамі і іншымі пачастункамі. Задаволеныя госці пакідалі свята з пакаёвымі раслінамі, якія для сваіх чытачоў выгадавалі ў падарунак бібліятэкары.