Сябруем з беларускай кнігай.
У рамках абласнога месячніка па пулярызацыі нацыянальнай мастацкай літаратуры «Маіх радкоў няма без Беларусі» у Карчоўскай сельскай бібліятэцы прайшоў літаратурны турнір «Беларуская класіка». На мерапрыемстве прысутнічалі карыстальнікі бібліятэкі, якія з захапленнем і цікавасцю чытаюць беларускую літаратуру. Яны з задавальненнем адказвалі на пытанні віктарыны, паказваючы свае веды твораў айчынных класікаў. Варта адзначыць такіх чытачоў, як Лысюк Алег Валер’янавіч, Ляўковіч Галіна Іванаўна, Сенька Уладзіслава Сцяпанаўна. Гэтыя чытачы бібліятэкі не толькі выдатна спраўляліся з заданнямі, але і падзяліліся сваімі думкамі наконт сучаснай нацыянальнай літаратуры.
Да мерапрыемства бібліятэкарам быў падрыхтаваны і прадстаўлены для азнакамлення літаратурны каляндар юбілейных дат беларускіх паэтаў і пісьменнікаў, аформлена кніжная выстава “Майстры беларускага слова”.
