Міжнародны дзень роднай мовы ў Гарадзішчанскай ГпБ.
Сёння ў свеце шмат цудоўных моў. Адны з іх вабяць сваёй прыгажосцю і непаўторнасцю, другія — мілагучнасцю. Але ў кожнага чалавека ёсць толькі адна мова, якая завецца роднай. Менавіта на гэтай мове ён размаўляе з роднымі, сябрамі, знаёмымі. I вельмі дрэнна, калі чалавек пачынае забывацца на сваю мову, не шануе яе. Важна шанаваць і вывучаць мову свайго народа.
Напярэдадні Міжнароднага дня роднай мовы ў навучэнцаў 8 класа Гарадзішчанскай СШ ім.С.А.Скіпара была магчымасць паглыбіць уласныя веды і падвысіць моўны ўзровень у час гульні «Гаворым па-беларуску» у нашай бібліятэцы.
Пад час моўнага турніру прайшлі конкурсы: «Інтэлектуальная азбука», «Перакладчык», «Тлумачальнік», «Грані слова», «Адгадай мелодыю», «Паэтычны радок» .Усе удзельнікі паказалі добрыя веды па беларускай мове.
Мерапрыемства выхоўвае ў навучэнцаў патрыятычную самасвядомасць і грамадзянскую культуру праз асэнсаванне духоўных каштоўнасцей, абуджае павагу і пачуццё любові да роднай мовы.
