Літаратурная навіна “З казкай назначана сустрэча”.
05.12.2019. бібліятэкар Перхавіцкай СБ Церан Н.С. запрасіла вучняў пачатковых класаў на сустрэчу з казкай.
Што ж такое казка, чым аўтарская казка адрозніваецца ад народнай, і па якіх прыкметах можна адрозніць побытавыя казкі, чарадзейныя казкі ад казак пра жывёл? Пра гэта дзеці размаўлялі ў пачатку мерапрыемства.
Дзеці разважалі пра тое, чаму вучаць нас казкі, якія героі казак ім асабліва падабаюцца. Затым вучням была прапанавана віктарына, у час якой юныя чытачы адказвалі на пытанні, расказвалі пра герояў казак, называлі чароўныя прадметы, адгадвалі вясёлыя загадкі, шукалі разам з героямі казак згубленыя рэчы. Пасля заканчэння мерапрыемства кожны вучань узяў сабе для чытання кнігу з казкамі.