Гарадзiшчанская ГпБ запрашае ў завочнае падарожжа па «Малой дзіцячай Чырвонай кнізе» якое адбудзецца 10 студзеня.
Усіх, хто па-сапраўднаму заклапочаны зберажэннем прыроды, разумее наколькі гэта важна — зберагчы для нашчадкаў хараство жывёльнага і расліннага свету, з радасцю запрашаем у завочнае падарожжа па «Малой дзіцячай Чырвонай кнізе» напісанай таленавітым паэтам і празаікам Віктарам Гардзеем, якое адбудзецца 10 студзеня у 14-00 на дзіцячым абанеменце нашай бібліятэкі. Кніга складаецца з дзвюх частак. Героямі падарожжа стануць зубры, бабры, кот лясны, начніца вялікая, а таксама святаяннік горны, чараўнік зеленакветкавы, чыставуст каралеўскі… Хіба пералічыш усе віды, якія патрабуюць нашай пільнай аховы і зберажэння! І пра кожны від В. Гардзей піша з любоўю. Пры знаёмстве з кнігай перад вамі у займальнай і дасціпнай форме, часта з усмешкай і гумарам адкрыецца шмат цікавага, пазнавальнага, а ў нечым і новага.
